CVDR48704_1Reglemint fan oarder foar de gearkomsten fan 'e ried fan 'e gemeente FerwerderadielnlregelingFerwerderadiel2008-01-01Noardeast-FryslânNoardeast-FryslânGemeenteblad i.c. Sawn Stjerren Nijs dd. 19 november 2007Reglemint fan oarder foar de gearkomsten fan 'e ried fan 'e gemeente FerwerderadielGemeentewet, artikel 16gemeenteraadbestuur en recht2007-11-15De tekst in dit document is vrij van auteursrecht en
databankrecht2008-01-012021-01-01nieuwe regeling9/54.07Geen.Het Reglement van Orde voor de vergaderingen van de raad van de gemeente Ferwerderadiel, vastgesteld bij raadsbesluit van 16 december 1993 en gewijzigd bij raadsbesluit van 20 maart 1997, is ingetrokken.Reglemint fan oarder foar de gearkomsten fan 'e ried fan 'e gemeente FerwerderadielDe ried fan 'e gemeente Ferwerderadiel;yn omtinken nimmende, dat it winsklik is it Reglemint fan oarder foar de
gearkomsten fan 'e ried fan 'e gemeente Ferwerderadiel, fêststeld op 16
desimber 1993, wizige by riedsbeslút fan 20 maart 1997, op 'en nij te besjen
yn ferbân mei de ynfiering fan 'e 'Wet Dualisering Gemeentebestuur', dy't op
7 maart 2002 fan krêft wurden is;lêzen it útstel fan boargemaster en wethâlders fan 27 maart 2002, nûmer
10/37.02;omtinken jaande oan kêst 16 fan 'e Gemeentewet;Haadstik 1: Algemiene bepalingsKêst 1BegrypsomskriuwingsYn dit reglemint wurdt ferstien ûnder:
foarsitter: de foarsitter fan 'e ried of syn ferfanger(s);
amendemint: útstel ta wiziging fan in ûntwerpoardering of
ûntwerpbeslút, neffens syn foarm gaadlik om dêr fuortdaliks yn
opnaam te wurden;
subamendemint: útstel ta wiziging fan in amendemint dat yn
behanneling is, neffens de foarm geskikt om fuortdaliks opnommen
te wurden yn it amendemint dêr 't it op slacht;
moasje: koarte en motivearre ferklearring oer in ûnderwerp dêr
't in oardiel, winsk of fersyk troch útsprutsen wurdt;
útstel fan oarder: útstel oangeande de oarder fan 'e
gearkomste;
inisjatyfútstel: útstel foar in oardering of in oar útstel;
ynterpellaasje: it rjocht fan in riedslid om ûnder de gearkomste
oan it kolleezje of de boargemaster ynljochtings te freegjen oer
in ûnderwerp dat net op 'e wurklist stiet.
Kêst 2De foarsitterDe foarsitter is belêste mei:
it lieden fan 'e gearkomste;
it hânhâlden fan 'e oarder;
it der op tasjen dat it reglemint fan oarder neilibbe
wurdt;
itjinge de Gemeentewet of dit reglemint him fierder
opdraacht.
Kêst 3De griffier
De griffier wennet alle gearkomsten fan 'e ried by.
By syn behindering of ôfwêzigens wurdt de griffier ferfongen
troch in amtner dy 't troch de ried dêrta oanwiisd is.
Hy kin, as de foarsitter him dat freget, meidwaan oan it
rieplachtsjen lykas bedoeld yn dit reglemint.
Kêst 3aDe siktarisDe ried kin it kolleezje fersykje de siktaris yn 'e gearkomste oanwêzich
wêze te litten en meidwaan te litten oan it oerlis lykas bedoeld yn dit
reglemint.Kêst 3bIt presidium
De ried hat in presidium dat ûnder oaren belêst is mei it
opstellen fan 'e wurklist fan 'e rieds- en
kommisjegearkomste.
It presidium bestiet út de foarsitter, de fraksjefoarsitters of
harren ferfangers en de griffier of syn ferfanger.
De foarsitter kin útstelle de siktaris út te noegjen foar it
presidium.
De kommisje wiist in lid fan 'e ried oan, dy 't de foarsitter
ferfangt by syn ôfwêzigens yn it presidium.
Haadstik 2: it talitten fan nije leden; fraksjesKêst 4Undersyk betrouwensbrieven, beëdiging
By alle beneamings fan nije leden fan 'e ried stelt de ried in
kommisje yn besteande út trije leden fan 'e ried. De kommisje
ûndersiket de betrouwensbrieven, de oanbelangjende stikken fan
nij beneamde leden en de prosessen-ferbaal fan 'e
stimburo's.
De kommisje bringt nei har ûndersyk fan 'e betrouwensbrieven
skriftlik ferslach út oan 'e ried en docht dêrby in útstel ta in
beslút. Yn it ferslach wurdt ek tynge dien fan in
minderheidsstânpunt.
Nei in riedsferkiezing ropt de foarsitter de talitten leden fan
'e ried op om yn 'e earste gearkomste fan 'e ried yn 'e nije
gearstalling, bedoeld yn kêst 18 fan 'e Gemeentewet, de
foarskreaune eed of ferklearring en belofte ôf te lizzen.
By in tuskentiidske fakatuereferfolling ropt de foarsitter in
nij beneamd lid fan 'e ried op foar de gearkomste fan 'e ried
wêryn 't oer syn / har talitting beslist wurdt om de
foarskreaune eed of ferklearring en belofte ôf te lizzen.
Kêst 5Fraksje
1.De leden fan 'e ried, dy 't troch it sintraal
stimburo op deselde kandidatelist ferkeazen
ferklearre binne, wurde by oanfang fan 'e sitting as
ien fraksje beskôge. Is ûnder in listnûmer mar ien
lid ferkeazen, dan wurdt dat lid as in aparte
fraksje beskôge.2.As boppe de kandidatelist in oantsjutting pleatst
wie, fiert de fraksje yn 'e ried dy oantsjutting as
namme. As der gjin oantsjutting boppe de
kandidatelist pleatst wie, dielt de fraksje yn 'e
earste gearkomste fan 'e ried mei hokker namme dy
fraksje yn 'e ried fiere wol.3.De nammen fan de foarsitter fan 'e fraksje en syn /
har plakferfanger, wurde sa gau mooglik trochjûn oan
'e foarsitter.4.a.As:1°:ien of mear leden fan in fraksje as selsstannige
fraksje wurkje sille;2°:twa of mear fraksjes as ien fraksje wurkje
sille;3°:ien of mear leden fan in fraksje harren oanslute by
in oare fraksje; wurdt dat sa gau mooglik skriftlik
oan 'e foarsitter trochjûn.b.Mei de feroaring, sa 't dy ûnder a. beskreaun stiet,
wurdt rekken hâlden mei yngong fan 'e earstfolgjende
gearkomste fan 'e ried nei 't dêr tynge fan dien
is.
Haadstik 3: Gearkomsten1:Tiid fan gearkommen, tariedingsKêst 6Frekwinsje fan gearkommen
De gearkomsten fan 'e ried fine yn 'e regel plak op de
tredde tongersdei fan 'e moanne en begjinne om 20.00 oere en
wurde hâlden yn it gemeentehûs.
De foarsitter kin yn bysûndere gefallen in oare dei en
begjintiid bepale of in oar gearkomsteplak oanwize. Hy hat
dêroer, of it moat gean om in driuwende sitewaasje, oerlis
mei it presidium.
Kêst 7Oprop
De foarsitter stjoert op syn minst 14 dagen foar in
gearkomste de leden fan de ried in skriftlike oprop ta en
jout dêrby de dei, tydstip en plak fan 'e gearkomste oan. De
skriftlike oprop befettet de foarriedige wurklist, lykas
bedoeld yn kêst 8, it earste lid.
De foarriedige wurklist en de stikken dy 't dêrby hearre,
mei útsûndering fan de yn kêst 25, it twadde lid, fan 'e
Gemeentewet bedoelde stikken (dy 't mei geheimhâlding te
krijen ha) wurde tagelyk mei de skriftlike oprop oan 'e
leden fan 'e ried ferstjoerd.
As in oanfoljende wurklist fêststeld wurdt, lykas bedoeld yn
kêst 8, it twadde lid, wurde dy wurklist en útstellen dy 't
der op stean sa gau mooglik, mar úterlik 48 oeren foar de
oanfang fan 'e gearkomste oan 'e leden fan 'e ried
stjoerd.
Kêst 8Wurklist
Foar 't de skriftlike oprop ferstjoerd wurdt, stelt it
presidium de foarriedige wurklist fan 'e gearkomste
fêst.
By driuwende gefallen kin de foarsitter nei it ferstjoeren
fan de skriftlike oprop oant úterlik 48 oeren foar de
oanfang fan in gearkomste in oanfoljend punt foar de
wurklist opstelle.
By it begjinnen fan 'e gearkomste stelt de ried de wurklist
fêst. Op útstel fan in lid fan 'e ried of de foarsitter kin
de ried by de fêststelling fan 'e wurklist punten oan 'e
wurklist taheakje of fan 'e wurklist ôffiere.
As de ried fynt dat in ûnderwerp net genôch taret is om der
yn it iepenbier oer te rieplachtsjen, kin dy beslute it
ûnderwerp troch te ferwizen nei de kommisje of it kolleezje
freegje om neiere ynljochtings of advys.
Op útstel fan in lid fan 'e ried of fan de foarsitter kin de
ried beslute de folchoarder fan it behanneljen fan 'e punten
op 'e wurklist te feroarjen.
Kêst 8aDe wethâlder
It presidium kin ien of mear wethâlders útnoegje om yn 'e
riedsgearkomste oanwêzich te wêzen en oan it oerlis mei te
dwaan. De wethâlders moatte by de riedsgearkomste oanwêzich
wêze.
As in wethâlder by in riedsgearkomste oanwêzich wêze wol en
meidwaan wol oan it oerlis, moat hy foar it fêststellen fan
'e foarriedige wurklist in fersyk yntsjinje by de
foarsitter, of it moat wêze dat lid 1 al fan tapassing
is.
Foar it ferstjoeren fan 'e skriftlike oprop beslút it
presidium oer it fersyk.
Kêst 9It op besjen lizzen fan stikken
De stikken dy 't ornearre binne om de ûnderwerpen of
útstellen op 'e wurklist neier ta te ljochtsjen, wurde
tagelyk mei it ferstjoeren fan 'e skriftlike oprop yn it
gemeentehûs op besjen lein. De foarsitter makket fan it op
besjen lizzen gewach yn in iepenbiere bekendmakking lykas
bedoeld yn kêst 10. As nei it ferstjoeren fan de skriftlike
oprop stikken op besjen lein wurde, wurdt dêrfan meidieling
dien oan 'e leden fan 'e ried en sa mooglik yn in iepenbiere
bekendmakking.
It orizjineel fan de stikken dy 't op besjen lizzen wurdt
net bûten it gemeentehûs brocht.
As oangeande stikken op grûn fan kêst 25, it earste of
twadde lid, fan 'e Gemeentewet geheimhâlding oplein is,
bliuwe dy stikken yn ôfwiking fan it earste lid, ûnder
berêsting fan 'e griffier en ferlient de griffier de leden
ynsjoch.
Kêst 10Iepenbiere bekendmakking
De gearkomste wurdt mei oankundiging yn 'e gemeentlike
rubryk fan it Sawn Stjerren Nijs, op de foar ôfkundigingen
yn 'e gemeente gebrûklike wize (yn 'e publikaasjekasten) en
mei it pleatsen op 'e webstek fan 'e gemeente iepenbier
makke.
De iepenbiere bekendmakking jout oan:
de datum, de begjintiid en it plak fan 'e
gearkomste;
hoe 't en wêr 't elkenien de wurklist en de
útstellen dy 't dêrby hearre, ynsjen kin;
de mooglikheid ta it brûken fan it sprekrjocht,
lykas bedoeld yn kêst 14.
2:Oarder fan 'e gearkomsteKêst 11PresinsjelistAlle leden dy 't by de gearkomste oanwêzich binne, tekenje
fuortdaliks by it ynkommen fan 'e gearkomsteseal de presinsjelist.
Oan 'e ein fan alle gearkomsten wurdt dy list troch de foarsitter en
de griffier troch dy te ûndertekenjen fêststeld.Kêst 12Sitplakken
De foarsitter, de leden fan 'e ried en de griffier hawwe in
fêst sitplak, troch de foarsitter nei oerlis mei it
presidium oan it begjin fan alle nije sittingsperioaden fan
'e ried oanwiisd.
As der oanlieding ta is, kin de foarsitter de yndieling nei
oerlis mei it presidium feroarje.
De foarsitter soarget foar in sitplak foar de wethâlders,
siktaris en oare persoanen, dy 't foar de gearkomste útnoege
binne.
Kêst 13Iepening gearkomste; kwoarum
1.De foarsitter iepenet de gearkomste op it
fêststelde oere, as it dêrta troch de wet fereaske
tal leden neffens de presinsjelist oanwêzich
is.Dêrnei wurdt it neikommende gebed yn it Frysk of
yn it Nederlânsk útsprutsen:Fryske tekst:O God, alle oanbidding wurdich, Jo dy troch Jins
Godlike almacht it hielal skepen hawwe en yn wêzen
hâlde, dy troch Jins ûneinige wiisheid alles
regearje en ús roppen hawwe ta it bestjoer fan
dizze gemeente, Jo bidde wy, wol ús liede troch
Jins Geast, dat wy de belangen fan ‘e gemeente
wiis, ûnpartidich en frijmoedich behertigje meie
en har sà bestjoere, dat Jins namme der troch
ferhearlike wurdt en it gemeentlik wolwêzen
befoardere. Dat freegje wy Jo yn de namme en om ‘e
wille fan ús Heare Jezus Kristus. Amen.Nederlandse tekst:Aanbiddenswaardige God, die door Uw Goddelijke
almacht het heelal hebt geschapen en in stand
houdt, die door Uw oneindige wijsheid alles
regeert en ons geroepen hebt tot het bestuur van
deze gemeente, U bidden wij, dat Gij ons door
Uw Geest wilt leiden, opdat wij met wijsheid,
onpartijdig en vrijmoedig de belangen der gemeente
mogen behartigen en haar zo besturen, dat Uw naam
daardoor worde verheerlijkt en haar welzijn
bevorderd. Dit vragen wij van U, in de Naam en om
der wille van onze Here Jezus Christus, Amen.2.As in kertier nei it fêststelde tiidstip net it
fereaske tal leden oanwêzich is, bepaalt de
foarsitter, nei 't er de nammen fan de ôfwêzige
leden oplêzen hat, dei en oere fan de folgjende
gearkomste, mei it achtslaan op kêst 20 fan de
Gemeentewet.
Kêst 14Sprekrjocht boargers
Nei it iepenjen fan 'e gearkomste kinne oare oanwêzige
boargers mei-inoar foar maksimaal 30 minuten it wurd fiere
oer ûnderwerpen dy 't op 'e wurklist steane.
It wurd kin net fierd wurde:
oer in beslút fan it gemeentebestjoer dêr 't beswier
of berop by de rjochter iepen tsjin stiet of iepen
tsjin stien hat;
oer beneamings, it meitsjen fan in kar, foardrachten
as oanbefellings fan persoanen;
as der in klacht eks kêst 9:1 fan de 'Algemene wet
bestuursrecht' yntsjinne wurde kin of koe.
Dyjinge dy 't fan it sprekrjocht gebrûk meitsje wol, lit dat
yn alle gefallen op syn minst 48 oere foar it begjinnen fan
'e gearkomste oan de griffier witte. Hy jout dêrby syn
namme, adres en tillefoannûmer en it ûnderwerp wêroer 't er
it wurd fiere wol op.
De foarsitter jout it wurd op folchoarder fan oanmelden. De
foarsitter kin fan dy folchoarder ôfwike, as dat yn it
belang is fan de oarder fan 'e gearkomste.
Alle sprekkers krije maksimaal fiif minuten it wurd. De
foarsitter ferdielt de sprektiid evenredich oer de sprekkers
as der mear as seis sprekkers binne. De foarsitter kin
teffens yn bysûndere gefallen ôfwike fan de maksimale duer
fan 'e sprektiid.
De sprekker fiert it wurd, neidat de foarsitter him dat jûn
hat. De foarsitter of in lid fan 'e ried docht in útstel
foar de behanneling fan de ynbring fan 'e boarger.
As in sprekker de frijheid nimt misledigjende of ûnfoege
útdrukkings tsjin wa dan ek te brûken, wurdt er troch de
foarsitter warskôge.
As in sprekker dan noch trochgiet mei it brûken fan
misledigjende of ûnfoege útdrukkings, kin de foarsitter him
it wurd ûntnimme.
De sprekker dy 't it wurd troch de foarsitter ûntnommen is,
kin dêr fuortdaliks tsjin yn berop gean by de ried. De ried
behannelet dat berop yn in sletten gearkomste; it beslút
wurdt dêrnei yn in iepenbiere gearkomste oan 'e ynsprekker
meidield.
Kêst 15Primus by haadlik stimmenDe folchoarder fan de mûnlinge stimmen by de gearkomste is dy fan 'e
presinsjelist. De stimming begjint mei it nûmer dat de foarsitter by
de earst te hâlden stimming fan 'e gearkomste út in bus of in oar
geskikt foarwerp lûkt, mei dêryn likefolle nûmers as oanwêzige
leden.Kêst 16Oantekens
De ûntwerpoantekens fan de foargeande gearkomste wurde, sa
mooglik, tagelyk mei de skriftlike oprop oan 'e leden fan 'e
ried tastjoerd. De ûntwerp-oantekens wurde tagelyk oan de
oare persoanen dy 't it wurd fierd hawwe tastjoerd.
By it begjin fan 'e gearkomste wurde, safolle mooglik, de
oantekens fan 'e foargeande gearkomste fêststeld.
De leden, de foarsitter, de wethâlders, de griffier en de
siktaris hawwe it rjocht, in útstel ta feroaring oan 'e ried
te dwaan, as der yn 'e oantekens saken steane dy 't net
korrekt binne of as net dúdlik oanjûn is wat sein of
besletten is. In útstel ta feroaring moat foar it
fêststellen fan 'e oantekens by de griffier yntsjinne
wurde.
It folgjende moat yn 'e oantekens stean:
de nammen fan 'e foarsitter, de griffier, de
siktaris, de wethâlders en de leden dy 't oanwêzich
en ôfwêzich wiene en oare persoanen dy 't it wurd
fierd hawwe;
de saken dy 't oan 'e oarder west hawwe;
in saaklike gearfetting fan itjinge dat sein is, mei
it oanjaan fan 'e nammen fan 'e oanwêzigen dy 't it
wurd fierden;
in oersjoch fan it ferrin fan alle stimmings. As
haadlik stimd wurdt, moatte de nammen fan de leden
dy 't foar of tsjin stimden, oanjûn wurde. Fierder
moat oanjûn wurde hokker leden, neffens de
Gemeentewet, net meidien hawwe oan it stimmen;
de tekst fan 'e foar de gearkomste yntsjinne
inisjatyfútstellen en de boarger-inisjatyfútstellen,
útstellen fan oarder, moasjes, amendeminten en
sub-amendeminten;
by it oanbelangjende punt op 'e wurklist de namme en
de kwaliteit fan dy persoanen oan wa 't it, neffens
it fêststelde yn kêst 25, troch de ried tastien is
mei te dwaan oan it rieplachtsjen.
De oantekens wurde opsteld ûnder de soarch fan 'e
griffier.
De fêststelde oantekens wurde troch de foarsitter en de
griffier ûndertekene.
Kêst 17Ynkommen stikken
Ynkommen stikken foar de ried, wêrûnder skriftlike
meidielings fan it kolleezje oan 'e ried, wurde op in list
setten. Dy list wurdt oan 'e leden fan 'e ried tastjoerd en
op besjen lein.
Nei it fêststellen fan 'e oantekens stelt de ried op útstel
fan 'e foarsitter de wize fan it ôfdwaan fan 'e ynkommen
stikken fêst.
Kêst 18Sprekregels
De leden fan 'e ried en oare oanwêzigen sprekke fan it plak
ôf dêr 't hja sitte en hja rjochtsje harren ta de
foarsitter.
By bysûndere gelegenheden kin de foarsitter bepale dat de
leden fan 'e ried en de oare oanwêzigen fan in oar plak ôf
sprekke.
Kêst 19Folchoarder sprekkers
In lid fan 'e ried sprekt allinnich nei 't er dat oan 'e
foarsitter frege hat en fan him it wurd krigen hat.
De folchoarder fan sprekkers kin wizige wurde, as in lid fan
'e ried in wurd freget oer de oarder fan 'e gearkomste.
In útstel fan oarder kin troch de foarsitter of in lid dien
wurde. Oer in útstel fan oarder beslist de ried
fuortdaliks.
Kêst 20Tal sprekterminen
It rieplachtsjen oer in ûnderwerp of útstel bart op syn
heechst yn twa terminen, of it moat wêze dat de ried dêr
oars oer beslút.
Alle sprekterminen wurde troch de foarsitter ôfsletten.
In lid mei yn in termyn net mear as ien kear it wurd hawwe
oer itselde ûnderwerp of útstel.
It fêststelde yn lid 3 slacht net op:
de rapporteur fan in kommisje;
it lid dat in (sub)-amendemint, in moasje of in
inisjatyfútstel yntsjinne hat oangeande dat
amendemint, dy moasje of dat útstel.
By it bepalen hoe faak in lid oer itselde ûnderwerp of
útstel it wurd hân hat, wurdt it sprekken oer in útstel fan
oarder net meirekkene.
Kêst 21SprektiidIn lid fan 'e ried kin in útstel dwaan oer de sprektiid fan 'e leden
en de oare oanwêzigen.Kêst 22Hânhâlden oarder, ûnderbrekken
In sprekker mei yn syn útiensetting net ûnderbrutsen wurde,
of it moat wêze dat:
de foarsitter it needsaaklik fynt him op it
neikommen fan dit reglemint te wizen;
in lid him ynterrumpearret. De foarsitter kin bepale
dat de sprekker sûnder fierdere ynterrupsjes syn
útiensetting ôfmeitsje kin.
As in sprekker misledigjende of ûnfoege útdrukkings brûkt,
fan it ûnderwerp dat yn behanneling is ôfwykt, in oare
sprekker hieltyd wer ynterrumpearret of oars de oarder
fersteurt, wurdt hy troch de foarsitter ta de oarder roppen.
Lûkt de oanbelangjende sprekker him dêr neat fan oan, dan
kin de foarsitter him, ûnder de gearkomste dêr 't dat yn
bart, oer it ûnderwerp dat yn behanneling is, it wurd
ûntnimme.
De foarsitter kin fanwegen it hânhâlden fan 'e oarder de
gearkomste salang ûnderbrekke as er sels wol en - as nei it
op 'en nij iepenjen fan 'e gearkomste de oarder op 'en nij
fersteurd wurdt - de gearkomste slute.
Kêst 23Oerlis
De ried kin op útstel fan 'e foarsitter of in lid fan 'e
ried beslute oer ien of mear ûnderdielen fan in ûnderwerp of
útstel apart te praten.
Op fersyk fan in lid fan 'e ried of op útstel fan 'e
foarsitter kin de ried beslute it oerlis foar in troch him
te bepalen tiid te ûnderbrekken om dêrmei it kolleezje of de
leden de gelegenheid te jaan foar neier ûnderling beried. As
de ûnderbrekkingstiid om is, wurdt it oerlis fuortset.
Kêst 24Meidwaan oan it oerlis troch oaren
De ried kin bepale dat oaren as de by de gearkomste
oanwêzige leden fan 'e ried, de wethâlders, de siktaris, de
griffier of de foarsitter meidogge oan it oerlis.
In beslút dêrta wurdt op útstel fan 'e foarsitter of ien fan
'e leden fan 'e ried naam; dat bart foardat mei it oerlis
oangeande it punt fan 'e wurklist dat behannele wurdt útein
set wurdt.
Kêst 25Stimferklearring Nei it sluten fan it oerlis en foardat de ried stimme sil, ha alle
leden it rjocht in koarte motivaasje te jaan fan 'e stim dy 't hja
útbringe sille.Kêst 26Beslút
As de foarsitter fêststeld dat in ûnderwerp of beslút genôch
taljochte is, slút er it oerlis, of it moat wêze dat de ried
oars beslút.
Nei 't it oerlis sletten is, fynt nei in stimming oer
mooglike amendeminten, de stimming plak oer it útstel yn syn
gehiel, lykas it dan is, of it moat wêze dat der gjin
stimming frege wurdt.
Foardat it stimmen oer it útstel yn syn gehiel plakfynt,
formulearret de foarsitter it útstel oer it te nimmen
einbeslút.
3:Prosedueres by it stimmenKêst 27Algemiene bepalings oer it stimmen
De foarsitter freget oft der ferlet is fan stimmen. As der
gjin stimming frege wurdt en de foarsitter dat ek net wol,
stelt de foarsitter fêst dat it útstel sûnder haadlike
stimming oannaam is.
De leden dy 't by de gearkomste oanwêzich binne, kinne
freegje dat yn 'e oantekens setten wurdt dat hja achte wurde
wolle tsjinstimd te hawwen of net meidien hawwe oan it
stimmen.
De foarsitter lit witte as ien of mear leden frege hawwe om
te stimmen.
De foarsitter ropt de leden by namme om harren stim út te
bringen. Hy begjint dan by it lid dat dêrfoar neffens kêst
15 oanwiisd is. Dêrnei bart it oproppen neffens de
folchoarder fan 'e presinsjelist.
By haadlike stimming binne alle leden dy 't by de gearkomste
oanwêzich binne en harren net fan stimming ûnthâlde moatte,
ferplichte harren stim út te bringen.
De leden bringe harren stim út troch it wurd 'foar / voor'
of 'tsjin / tegen' út te sprekken. Hja foegje dêr neat oan
ta.
As in lid him by it stimmen fersind hat, kin er dat fersin
noch ferhelpe ear 't it oare lid stimd hat. Komt it fersin
him pas letter yn 't sin, dan kin er nei 't de foarsitter de
útslach fan it stimmen bekend makke hat, wol om oantekening
freegje dat er him fersind hat; yn 'e útslach fan it stimmen
bringt soks lykwols gjin feroaring.
Nei it stimmen docht 'e foarsitter de útslach dêrfan te
witten. Hy jout dêrby oan hoefolle stimmen foar en tsjin
útbrocht binne. Hy jout dan ek oan hokker beslút naam
is.
Kêst 28Stimme oer amendeminten en moasjes
As in amendemint yntsjinne is op in útstel dat yn
behanneling is, wurdt der earst oer dat amendemint
stimd.
As op in amendemint in subamendemint yntsjinne is, wurdt
earst oer it subamendemint stimd en dêrnei oer it
amendemint.
As twa of mear amendeminten of subamendeminten op in útstel
dat behannele wurdt yntsjinne binne, bepaalt de foarsitter
de folchoarder fan it stimmen dêroer. Dêrby jildt as regel
dat earst oer it meast fiergeande amendemint of
subamendemint stimd wurdt.
As oer in útstel dat yn behanneling is, in moasje yntsjinne
is, wurdt earst oer it útstel stimd en dêrnei oer de
moasje.
Kêst 29Stimming oer persoanen
As der stimd wurde moat oer persoanen fanwegen in foardracht
of it opstellen fan in foardracht of in oanbefelling,
foarmet de foarsitter mei twa troch him oan te wizen
riedsleden it stimburo.
Alle yn 'e gearkomste oanwêzige leden dy 't harren net op
grûn fan 'e Gemeentewet fan stimming ûnthâlde moatte, moatte
in stimbriefke ynleverje. De stimbriefkes moatte gelyk
wêze.
Der wurdt like faak stimd as dat der persoanen binne dy 't
beneamd, foardroegen of oanrekommandearre wurde moatte. Op
útstel fan 'e foarsitter kin de ried beslute dat guon
stimmings gearfette wurde op ien briefke.
It stimburo giet nei oft in tal ynlevere stimbriefkes
oerienkomt mei it tal leden dat neffens it twadde lid de
plicht hat om in stimbriefke yn te leverjen. As dy oantallen
net gelyk binne, wurde de stimbriefkes ferneatige sûnder dat
hja iepenmakke wurde en wurdt der op 'en nij stimd.
Foar it bepalen fan 'e absolute mearderheid, lykas bedoeld
yn kêst 30 fan de Gemeentewet, wurde de leden dy 't gjin
behoarlik stimbriefke yntsjinne hawwe, achte net stimd te
hawwen. Under in net behoarlik ynfolle stimbriefke wurdt
ferstien:
in blanko ynfolle stimbriefke;
in ûndertekene stimbriefke;
in stimbriefke dêr 't mear as ien namme op oanjûn
stiet, of it moat wêze dat it om ferskate fakatueres
giet;
as it om it beneamen op foardracht giet, in
stimbriefke wêrby 't op in persoan stimd is dy 't
net foardroegen is;
in stimbriefke wêrby 't op in oare persoan stimd
wurdt as dyselde dêr 't it stimmen him ta
beheint.
As der twivele wurdt oer de ynhâld fan in stimbriefke beslút
de ried, op útstel fan 'e foarsitter.
Under ferantwurdlikens fan de griffier wurde, nei it
fêststellen fan 'e útslach de stimbriefkes fuortdaliks
ferneatige.
Kêst 30Op 'en nij stimme oer persoanen
As by de earste stimming nimmen de absolute mearderheid
krigen hat, wurdt foar de twadde kear stimd.
As by dy twadde kear ek nimmen de absolute mearderheid
krigen hat, wurdt der foar de tredde kear stimd tusken twa
persoanen dy 't by de twadde stimming de measte stimmen
krigen hawwe. Binne by dy twadde stimming de measte stimmen
oer mear as twa persoanen ferdield, dan wurdt by in
tuskenstimming útmakke tusken hokker twa persoanen de tredde
kear stimd wurdt.
As by it tuskenstimmen of by de tredde stimming de stimmen
stake, jout it lot fuortdaliks de trochslach.
Kêst 31Beslút troch it lot
As it lot de trochslach jaan moat, wurde de nammen fan
dyselden dêr 't it beslút op slacht, troch de foarsitter op
aparte, folslein gelikense briefkes skreaun.
Dy briefkes wurde, nei 't hja troch it stimburo kontrolearre
binne, op gelikense wize opteard, yn in stimbokaal dien en
skodde.
Dêrnei pakt de foarsitter ien fan 'e briefkes út 'e
stimbokaal. De namme fan dyjinge dy 't op dat briefke stiet,
is keazen.
Haadstik 4: Rjochten fan ledenKêst 32Amendeminten
Elk lid fan 'e ried kin oant it sluten fan it oerlis ta
amendeminten yntsjinje. In amendemint kin it útstel ynhâlde om
in útstel dat op 'e wurklist stiet yn ien of mear parten op te
splitsen, dat sadwaande aparte beslútfoarming plak fine kin. Der
kin allinnich rieplachte wurde oer amendeminten dy 't yntsjinne
binne troch leden fan 'e ried, dy 't de presinsjelist tekene
hawwe en yn 'e gearkomste oanwêzich binne.
Alle leden dy 't oanwêzich binne yn 'e gearkomste, hawwe it
foech op it amendemint dat troch in lid yntsjinne is, in
wiziging út te stellen (subamendemint).
Alle (sub-)amendeminten en alle útstellen moatte om behannele te
wurden, skriftlik by de foarsitter yntsjinne wurde, of it moat
wêze dat de foarsitter - fanwegen it ienfâldige karakter fan
itjinge dat foarlein wurdt - fan betinken is dat folstien wurde
kin mei mûnling yntsjinjen.
Ynlûken, troch de yntsjinner(s), fan it (sub-)amendemint is
altyd mooglik oant de gearkomste ta beslútfoarming oergien
is.
Kêst 33Moasjes
Yn 'e gearkomste hawwe alle leden it foech om in moasje yn te
tsjinjen.
In moasje moat skriftlik by de foarsitter yntsjinne wurde, om
behannele wurde te kinnen.
It behanneljen fan in moasje oer in ûnderwerp of útstel dat yn
behanneling is, bart tagelyk mei it rieplachtsjen dêroer.
It behanneljen fan in moasje oer in ûnderwerp dat net op 'e
wurklist stiet, bart nei 't alle wurklistpunten behannele
binne.
Kêst 34Utstellen fan oarder
De foarsitter en alle leden fan 'e ried kinne ûnder de
gearkomste mûnling in útstel fan oarder dwaan. Sa 'n útstel kin
koart taljochte wurde.
In útstel fan oarder kin allinnich op de oarder fan 'e
gearkomste slaan.
De ried beslút fuortdaliks oer in útstel fan oarder.
Kêst 35Inisjatyfútstel
In inisjatyfútstel moat skriftlik by de foarsitter yntsjinne
wurde om behannele wurde te kinnen.
De foarsitter set it útstel op 'e wurklist fan de earstkommende
gearkomste, of it moat wêze dat de skriftlike oprop dêrfoar al
ferstjoerd is. Yn it lêste gefal wurdt it útstel op 'e wurklist
fan 'e oanfolgjende gearkomste set.
It behanneljen fan it útstel bart neidat alle op 'e wurklist
foarkommende útstellen en ûnderwerpen behannele binne, of it
moat wêze dat de ried fynt dat it útstel mei it each op de
oarder fan 'e gearkomste tegearre mei in oar útstel of ûnderwerp
op 'e wurklist behannele wurde moat, it útstel earst behannele
wurde moat yn 'e riedskommisje of om advys nei it kolleezje
stjoerd wurde moat. Yn it lêste gefal bepaalt de ried yn hokker
gearkomste it útstel op 'en nij op 'e wurklist komme sil.
De ried kin neiere betingsten stelle oan it yntsjinjen en
behanneljen fan in útstel as it net om in útstel ta in oardering
giet.
Kêst 35aKolleezjeútstel
In útstel ta in oardering of in oar útstel fan it kolleezje oan
'e ried, dat op 'e wurklist foar de riedsgearkomste stiet, kin
net ynlutsen wurde sûnder tastimming fan 'e ried.
As de ried fan betinken is dat in útstel lykas bedoeld yn it
earste lid foar advys werom stjoerd wurde moat nei it kolleezje,
bepaalt de ried yn hokker gearkomste it útstel op 'en nij op 'e
wurklist set wurdt.
Kêst 35bMûnlinge fragen (ynterpellaasje)
It fersyk ta it hâlden fan in ynterpellaasje wurdt, útsein yn
nei it oardiel fan 'e foarsitter driuwende saken, op syn minst
48 oeren foar it begjin fan 'e gearkomste skriftlik by de
foarsitter yntsjinne. It fersyk befettet in dúdlike omskriuwing
fan it ûnderwerp wêroer 't ynljochtings frege wurde en de fragen
dy 't steld wurde.
De foarsitter bringt de oare leden fan 'e ried en de wethâlders
sa gau mooglik op 'e hichte fan 'e ynhâld fan it fersyk. By it
behanneljen fan 'e ynkommen stikken fan de earstfolgjende
gearkomste nei it yntsjinjen fan it fersyk wurdt it fersyk yn
stimming brocht. De ried bepaalt op hokker tydstip ûnder de
gearkomste de ynterpellaasje hâlden wurde sil.
De ynterpellant fiert net mear as twa kear it wurd, de oare
leden fan 'e ried, de boargemaster en de wethâlders net mear as
ien kear, of it moat wêze dat de ried harren dêrta permisje
jout.
Kêst 36Skriftlike fragen
Skriftlike fragen wurde koart en dúdlik formulearre. Der kin in
taljochting by de fragen sitte en der wurdt oanjûn oft skriftlik
of mûnling beänderjen frege wurdt.
De fragen wurde by de foarsitter fan 'e ried yntsjinne. Dy
soarget derfoar dat de oare leden fan 'e ried en it kolleezje sa
gau mooglik op 'e hichte brocht wurde fan 'e fragen.
Skriftlik beänderjen fan 'e fragen bart sa gau mooglik, yn alle
gefallen binnen tritich dagen nei 't de fragen ynkommen binne.
It mûnling beänderjen fan 'e fragen bart yn 'e earstfolgjende
riedsgearkomste. As it beänderjen net binnen dy terminen
plakfine kin, kriget de fraachsteller dêr troch it ferantwurdlik
lid fan it kolleezje motivearre berjocht fan. Dêrby wurdt oanjûn
op hokker termyn beänderjen plakfine sil. Dat berjocht wurdt
behannele as in antwurd.
De antwurden wurde troch it ferantwurdlik lid fan it kolleezje
oan 'e leden fan 'e ried meidield.
De fragen en antwurden wurde tagelyk mei de stikken, lykas
bedoeld yn kêst 17, oan 'e leden fan 'e ried tastjoerd.
De fraachsteller kin, by skriftlik beänderjen yn 'e
earstfolgjende riedsgearkomste en by mûnling beänderjen yn
dyselde gearkomste, nei it behanneljen fan 'e ûnderwerpen dy 't
op 'e wurklist steane mear ynljochtings freegje oangeande it
antwurd dat de boargemaster of it kolleezje jûn hawwe, of it
moat wêze dat de ried oars beslút.
Kêst 36aOmfreegjen
In lid fan 'e ried kin it kolleezje (of in lid fan it kolleezje)
oan 'e ein fan 'e gearkomste by it omfreegjen mûnling fragen
stelle oer it troch harren (him) fierde bestjoer, foar safier 't
dat net by de punten dy 't op 'e wurklist stean oan 'e oarder
komt.
It lid fan 'e ried dy 't by it omfreegjen fragen stelle wol, dy
't nei ynskatting neier ûndersocht wurde moatte of om in neier
stânpunt freegje, meldt dat ûnder oantsjutting fan it ûnderwerp
op syn minst trije dagen foar oanfang fan it omfreegjen by de
foarsitter.
De foarsitter kin yn oerlis mei de ried bepale dat it omfreegjen
fanwegen bysûndere omstannichheden oan it begjin fan 'e
gearkomste hâlden wurdt.
De foarsitter bepaalt op hokker tiidstip it omfreegjen
ophâldt.
Kêst 37Ynljochtings
As in lid ynljochtings hawwe wol oer ûnderwerpen, lykas bedoeld
yn 'e kêsten 169, tredde lid, en 180, tredde lid, fan 'e
Gemeentewet, wurdt dêrta in skriftlik fersyk yntsjinne by it
kolleezje of de boargemaster.
In ôfskrift fan dat fersyk wurdt troch de yntsjinner yn ôfskrift
tastjoerd oan 'e ried.
De frege ynljochtings wurde mûnling of skriftlik yn de
earstkommende of de dêrop folgjende gearkomste jûn.
De stelde fragen en antwurden komme op 'e wurklist foar de
gearkomste, dêr 't de antwurden yn jûn wurde sille.
Haadstik 4a: boargerinisjatyf (wizige by riedsbeslút fan 15 novimber
2007)Kêst 37aIn dit haadstik wurdt ûnder in boargerinisjatyf ferstien: in útstel fan
in inisjatyf-rjochthawwer om in ûnderwerp of in útstel op ‘e wurklist
fan ‘e gearkomste fan ‘e ried te setten.Kêst 37b
De ried set in boargerinisjatyf op ‘e wurklist fan syn
gearkomste, at dêr troch in inisjatyf-rjochthawwer in jildich
fersyk foar yntsjinne is.
In fersyk jildt net at dat:
net troch op syn minst 5 inisjatyf-rjochthawwers stipe
wurdt;
in ûnderwerp hat as bedoeld yn kêst 37d,
net foldocht oan ‘e betingsten, steld yn kêst 37e.
Kêst 37c
Inisjatyfberjochtige binne alle ynwenners en
belanghawwenden.
Foar it beoardieljen of immen belanghawwende is, is de situaasje
op ‘e dei fan yn-tsjinning fan it fersyk bepalend.
Kêst 37d
In boargerinisjatyf kin net slaan op:
in ûnderwerp dat net heart ta it foech fan it
gemeentebestjoer;
in fraach oer it gemeentlik belied;
in klacht yn ‘e sin fan haadstik 9 fan ‘e “Algemene wet
bestuursrecht”;
in beswier yn ‘e sin fan haadstik 7 fan ‘e “Algemene wet
bestuursrecht” tsjin in beslút fan it gemeentebestjoer;
ûnderwerpen dy ’t gean oer privee-belangen;
ûnderwerpen dy ’t oer it wizigjen fan belied gean dat al
fierhinne yn ûntwikkeling is of dat al útfierd wurdt;
in ûnderwerp dêr ’t troch de ried in beslút oer nommen
is yn ‘e riedsperioade wêryn ’t dat ûnderwerp yntsjinne
is, of it moat wêze dat nije arguminten ta in nije
ôfweaging liede kinne.
In boargerinisjatyf oer in ûnderwerp of útstel dat net heart ta
it foech fan ‘e ried, mar wol falt ûnder it foech fan it
gemeentebestjoer, sil troch de ried, eventueel mei syn advys,
trochstjoerd wurde nei it kolleezje of nei de boargemaster at dy
portefúljehâlder is.
It kolleezje of de boargemaster sil in ûnderwerp as útstel, as
bedoeld in lid 2, behannelje as wie it in boargerinisjatyf.
Kêst 37e
It fersyk ta it setten fan in boargerinisjatyf op ‘e wurklist
fan ‘e gearkomste fan ‘e ried wurdt skriftlik yntsjinne by de
foarsitter fan ‘e ried. Formulieren foar it yntsjinjen fan in
boargerinisjatyf binne by de griffier te krijen en kinne – nei
it ynfoljen – wer by de griffier yntsjinne wurde. De griffier
sil de inisjatyfnimmer by de fierdere proseduere advisearje en
begeliede.
Yn it fersyk stiet op syn minst:
in krekte omskriuwing fan it boargerinisjatyf;
in taljochting op it boargerinisjatyf, en
de efternamme, de foarnamme, it adres, de bertedatum en
de hantekening(en) fan ‘e inisjatyfnimmer(s) en fan ‘e
inisjatyf-rjochthawwers dy ’t it fersyk stypje.
Foar it yntsjinjen fan it fersyk moat it dêrfoar fêststelde
model brûkt wurde.
Kêst 37f
De foarsitter fan ‘e ried beslút binnen twa wike nei de datum
fan it yntsjinjen fan it boargerinisjatyf at it fersyk foldocht
oan ‘e easken, sa ‘t dy steld binne yn kêst 37b.
At it fersyk oan ‘e easken foldocht, set de ried it
boargerinisjatyf binnen seis wike nei de datum fan it yntsjinjen
fan it fersyk op ‘e wurklist.
De foarsitter fan ‘e ried noeget de inisjatyfnimmer skriftlik út
foar de gearkomste dêr ’t it boargerinisjatyf op ‘e wurklist
stiet. De inisjatyfnimmer of syn plakferfanger hat ûnder de
gearkomste de gelegenheid om syn boargerinisjatyf mûnling neier
ta te ljochtsjen en te reagearjen op itjinge yn earste termyn
oangeande it útstel nei foaren brocht hat.
De ried kin in boargerinisjatyf om advys foarlizze oan it
kolleezje. Hy stelt dêrby yn oerlis mei it kolleezje in termyn
fêst wêryn ‘t dat advys útbrocht wurde moat. De ried kin ek de
kar meitsje it beslút oer it boargerinisjatyf yn ‘e
riedskommisje ynhâldlik ta te rieden.
Sa gau mooglik nei ’t de ried oer it boargerinisjatyf in beslút
nommen hat, wurdt dat beslút op de gebrûklike wize
publisearre.
Tagelyk mei it bekend meitsjen wurdt fan it beslút meidieling
dien oan ‘e inisjatyfnimmer.
De inisjatyfnimmer wurdt dêrnei ynljochte oer de fierdere
stappen oangeande it útwurkjen fan it boargerinisjatyf.
At in boargerinisjatyf ôfwiisd is, kin der praat wurde fan in
beslút yn ‘e sin fan ‘e “Algemene wet bestuursrecht” dêr ’t in
berop tsjin iepen stiet.
Kêst 37gDe boargemaster bringt yn it boargerjierferslach ferslach út oer de
wurking fan it rjocht fan boargerinisjatyf yn ‘e praktyk. Haadstik 5: Begrutting en rekkenKêst 38Proseduere begruttingUtsein it bepaalde yn 'e Gemeentewet bart de tarieding, it ûndersyk, de
behanneling en de fêststelling fan 'e begrutting neffens in proseduere
dy 't de ried fêststelt.Kêst 39Proseduere jierrekkenUtsein it bepaalde yn 'e Gemeentewet bart de tarieding en it ûndersyk
fan 'e jierrekken en it jierferslach, en ek de fêststelling fan 'e
jierrekken neffens in proseduere dy 't de ried fêststelt.Haadstik 6: Lidmaatskip fan oare organisaasjesKêst 40Ferslach; ferantwurding
In lid fan 'e ried, in wethâlder, de boargemaster of de
siktaris, dy 't troch de gemeenteried oanwiisd is ta lid fan it
algemien bestjoer fan in iepenbier lichem of fan in oar
mienskiplik orgaan, ynsteld op grûn fan 'e Wet mienskiplike
regelings, hat it rjocht (om yn oansluting op 'e behanneling fan
'e list fan ynkommen stikken òf foar it sluten fan 'e
gearkomste) ferslach te dwaan oer saken dy 't yn it bedoelde
algemien bestjoer oan 'e oarder binne. As de ried dat ferslach
besprekke wol, kin de foarsitter nei de oanbelangjende kommisje
ferwize.
Alle leden fan 'e ried kinne in persoan lykas bedoeld yn it
earste lid, skriftlik fragen stelle. De regels foar it stellen
fan skriftlike fragen, fêststeld yn kêst 36, binne fan
tapassing.
As in lid fan 'e ried in persoan, bedoeld yn it earste lid,
oproppe wol om him te ferantwurdzjen oer de wize fan
funksjonearjen as sadanich, beslút de ried oft soks tastien
wurde kin. De regels foar it freegjen fan ynljochtings,
fêststeld yn kêst 37, binne likegoed fan tapassing.
Dit kêst is likegoed fan tapassing op oare organisaasjes of
ynstitúsjes, dêr 't de ried ien fan syn leden yn beneamd hat.
Haadstik 7: Besletten gearkomsteKêst 41Algemien Op in besletten gearkomste binne de bepalings fan dit reglemint fan
tapassing foar safier 't dy bepalings net stridich binne mei it
besletten karakter fan 'e gearkomste.Kêst 42Oantekens
De oantekens fan in besletten gearkomste wurde net omparte, mar
lizze allinnich foar de leden op besjen.
Dy oantekens wurde sa gau mooglik yn in besletten gearkomste
oanbean om fêst te stellen. Yn dy gearkomste nimt de ried in
beslút oer it wol of net iepenbier meitsjen fan dy list mei
besluten. De fêststelde list mei besluten wurde troch de
foarsitter en de griffier ûndertekene.
Kêst 43GeheimhâldingFoar de ôfrin fan de besletten gearkomste beslút de ried neffens kêst
25, it earste lid, fan 'e Gemeentewet oft oangeande de ynhâld fan 'e
stikken en it ferhannele it geheimhâlden jilde sil. De ried kin beslute
it geheimhâlden op te heffen.Kêst 44Opheffen geheimhâldingAs de ried, neffens kêst 25, it tredde en fjirde lid, kêst 55, it twadde
en tredde lid of kêst 86, it twadde en tredde lid, fan 'e Gemeentewet
fan doel is it geheimhâlden op te heffen wurdt, as dêrom frege wurdt
troch it orgaan dat de geheimhâlding oplein hat, yn in besletten
gearkomste dêr oerlis mei hâlden.Kêst 44aSluten gearkomsteNei 't de wurklist en wat dêr mooglik oan taheakke is behannele is,
sprekt de foarsitter it neikommende gebed yn it Frysk of yn it
Nederlânsk út.Fryske tekstGenedige God, wa’t takomt eare, oanbidding en hearlikheid, tank mei Jins
Namme hawwe, dat Jo ús bekwaam meitsje woenen ta dit wurk. Lit Jins
seine rêste op itjinge wy besluten hawwe. Ferjou ús alles dat net wie
neffens Jins hillige wil. Tink sûnder ophâlden oan ús allegearre yn
leafde en sjoch ús altyd oan yn ’e Heare Jezus Kristus. Amen.Nederlandse tekstGenadige God, wie toekomt ere, aanbidding en heerlijkheid, Uw Naam zij
dank, dat Gij ons tot deze arbeid hebt willen bekwamen. Laat Uw zegen
rusten op hetgeen door ons is besloten. Vergeef ons alles dat niet was
naar Uw heilige wil. Blijf in liefde ons aller gedenken en zie ons
steeds aan in de Here Jezus Christus. Amen.Haadstik 8: taharkers en parseKêst 45Taharkers en parse
De taharkers en fertsjintwurdigers fan 'e parse kinne allinnich
op de foar harren bestimde plakken de iepenbiere gearkomsten
bywenje.
It jaan fan tekens fan goed- of ôfkarren of it op oare wize
fersteuren fan 'e oarder is ferbean.
Kêst 45aLûd- en byldregistraasjesDyjingen dy 't yn 'e gearkomsteseal ûnder de riedsgearkomste lûd- dan
wol byldregistraasjes meitsje wolle dogge dêr meidieling fan oan 'e
foarsitter en hâlde en drage harren nei syn oanwizings.Kêst 46Ferbod brûken mobile tillefoansYn 'e gearkomsteseal, derby ynbegrepen de publike tribune, is ûnder de
gearkomste it brûken, en ek it 'standby' hâlden fan mobile tillefoans of
oare kommunikaasjemiddels, dy 't ynbreuk meitsje kinne op de oarder fan
'e gearkomste, sûnder tastimming fan 'e foarsitter, net tastien.Kêst 47Smookferbod Yn 'e gearkomsteseal mei net smookt wurde.Haadstik 9: SLOTBEPALINGSKêst 48Utlis reglemintYn alle gefallen dêr 't dit reglemint net yn foarsjocht as by twifel
oangeande it tapassen fan it reglemint, beslút de ried op útstel fan 'e
foarsitter.Kêst 49It yngean
Dit reglemint giet yn op 'e earste dei, folgjend op it
ferstriken fan in termyn fan 6 wiken nei it bekend
meitsjen.
Op dat stuit ferfalt it reglemint fan oarder foar de gearkomsten
fan 'e ried fan 'e gemeente Ferwerderadiel, fêststeld by
riedsbeslút fan 16 desimber 1993 en lykas dat by riedsbeslút fan
20 maart 1997 wizige is.
SAfêststeld yn de iepenbiere gearkomste fan de ried
fan de gemeente Ferwerderadiel fan 18 april 2002,
dêrnei wizige by riedsbeslút fan 15 novimber
2007.,voorzitter.,griffier.